Комиксы

Марина Прокопьева

1535 {num}

Мон вордӥськи Алнаш ёросысь Сьӧд Ошмес гуртын. Али мыным 17 арес, дышетскисько Усо (Муважи школаын) школаын 11-тӥ классын. Кӧня асме тодӥсько, котьку суредаськисько вал. Нырысь пӧртэм мунёос но сяськаос суредалляй, собере 9-тӥ классын, вотэсысь фотореализм амалэн суредаськись адямиослэсь суредъёссэс шедьтӥ, туж пайми. Соос сямен ужаны кутски. Нырысь, конешно, номыр ӧз пӧрмы, но суредаськыса-суредаськыса мар ке но быгатыны кутски ни. Асме мон творческой адями шуысал. Мыным кельше суредаськыны, бисерен вырыны, лыдӟиськыны. Интернетын трос пукисько. Туж кельшо Хаяо Миядзакилэн анимеосыз но футуристъёслэн кылбуръёссы.

2014-тӥ арын «Шундыкар» лагерьын комиксъёс суреданы дышетски. Ӧнерчимы Миша Николаев ваньзэ пыр-поч валэктӥз, дышетӥз.

Мынам комиксэ кык бам гинэ. Валтӥсь героез – Вова, студент. Сюжетэз – геройлэн улонысьтыз одӥг нуналэз. Малпасько, комиксэ кыӵе ке йылпумъятэ кадь пӧрмиз, соин ик котькудӥз быгатоз солэсь пумзэ малпаны.

Суредаськон мынам улонам бадӟым инты басьтэ. Ваньмон дыры вань ке, одно ик пуксисько но суредаськисько, азьланяз но та ужез куштэме уг поты.

марина прокопьева комиксы

марина прокопьева комиксы