Анастасия Фомина
Поэзия

Анастасия Фомина

322 {num}

Анастасия Фомина – Алнаш ёросысь егит кылбурчи.

* * *
Сюсьтыл ӝуа.
Нуналъёс ортчо.
Пересь весяк огназ,
ӵукнаысен пеймыт уёзь
Пуке укно дораз.
Ӝоген тӧлъёс ини вуо,
Нош со пуке, возьма.
«Бертоз, бертоз ук гыдыке» –
Сюлмыз солы вера.
Кезьыт тӧлъёс лумбыт вузо,
Гурт котырын чалмыт.
Пересь доры весь йыгасько,
Пырын туртто. Кышкыт.
«Пие, пие, уго, вуэм» –

Анай сюлэм оске. Ӧссэ усьтэ...
Нокин ӧвӧл...
Бамтӥз курыт синву ваське.
Нош ик пуксе укно дораз.
Нунал воштэ уез.
Азьло сямен ик син азяз
Пуксе пичи пиез:
Нырысь классэ вамыштэмзэ
Тодаз вае туннэ.
Оже ӝожмыт келян гурез
Со пель сьӧраз кылэ.
Кирос но ӵужектэм гожтэт
Кияз со юн кырмем...
Пеймыт, кизилитэм уе
Пересь пизэ адӟем.
Сюсьтыл кысӥз, ӝуаз, быриз.
Уй нуналэз воштӥз.
Нош инбамын, толэзь вӧзын
Югыт, горд кизили вордскиз.