Мария Васильева
Поэзия

Мария Васильева

573 {num}

Мария Васильева – Алнаш ёросысь егит кылбурчи.

* * *
Улон нунал бӧрсьы сётъя йыртӥянъёс,
Вайяськыса кошкись сюресъёсын.

Уг поты утчаме черновикъёс,
Мед сураськоз дунне огминутын.

Муртлэн шудэз, шуо, уг сёты шунытсэ,
Тыл понӥськод ке но, уг вормы араны.

Ведь кӧня пол пумиталляй сое,
Сюлмаз вунэтӥськем, дыр, учкыны.

 

* * *
Та дуннее ӧм лыктэ, дыр, юнме,
Йыр вадьсамы пишто кизилиос.
Улон шӧмез веръяд ке тон, пие,
Мукет синмын сое адӟын кутскод.

Тросэз ай валантэм потоз тыныд,
Кытысь, кинъёс, малы-о асьмеос?
Кызьы меда кылдэм та дуннемы,
Малы сюлмысь уг ышо шӧдонъёс?

Ас сяменыз ӧз кылды ук улон,
Кин ке но кыл кутэ, дыр, ми понна.
Адямилэн ужез – пытьы кельтон, 
Юнме шорысь нокин ӧз улы на.