Миклош Радноти
Поэзия

Миклош Радноти

330 {num}

Миклош Радноти (Radnóti Miklós) (1909-1944) – мадьяр кылбурчи но берыктӥсь. Вордӥськиз еврей семьяын. Вазь анай-атайтэк кылиз. Школазэ йылпумъяса, Сегедысь университетын мадьяр но француз кылъёсты дышетӥз. Кыкетӥ дунне ож аръёсы Мадьяр шаерын еврейёсты быдтон ужъёс кутскизы. Мукет еврейёсын ӵош кылбурчи но лагерь улонлэсь секытсэ, кышкытсэ но кырсьсэ адӟоно луиз. 1944-тӥ арын, еврейёсты одӥг лагерьысь мукетаз уллякузы, Раднотӥ фашист солдатъёсын жугемын, собере ыбемын но огъя шайгуэ ватэмын. Ӝыны ар ортчыса, эксгумация дыръя, кисыяз кылбуръёсын тетрадезъя мадьяр кылбурчилэн шӧйыз шедьтэмын вал.

Кышноелы гожтэт
Отын, улын, чалмыт но бак дунне,
шыпыт улон пелям вузэ, мон кеськисько,
нокин уг вазь мыным та кыдёкысь
война пушкы уйжомем Сербиысь.
Тон кыдёкын, нош куараед сына вӧтме,
югдэм бере сюлмам мон шедьтӥсько тонэ,
чалмыт мон улӥсько, дорам ӵаштыртӥсьёс –
йӧно сылӥсь кезьыт кикыньӧлъёс.
Кылдоз меда нош адскыны, тодмо ӧвӧл,
псалом кадь тон секыт, но туж вал оскымон,
тон тыл кадь ик чебер, ышыг кадь ик мусо,
кылытэк-адӟытэк тонэ мон шедьтысал,
тон пегаськод гуртын, вырӟылӥськод
синъёсылэн пушказ, озьы чиль чилектэ визь-нод,
зэмлык вал тон, выльысь луид уйвӧт мыным,
егит дырлэн колодчаяз выльысь усеменым
мон вожаса кури веран яратэмдэ.
Огпол егит дырлэн пумаз ке вуыны кылдэм,
мон оскисько, тон кышное луод шуса,
сайкыт улон сюрес вылэ выльысь усьса,
луод кузпал но матысь эш мыным –
но кыдёкын тон! Котькинлэсь но кыдёкын.
Сӥзьыл вуэ ни. Со но шат татчы кельтоз?
Чупаськеммы али кадь сюлэммэ портоз.
Оски умоезлы, нунал ортче вӧзтӥм,
бомба палэп лоба йыр вадьсытӥм,
чагыр синдэ мон паймыса учки инмысь,
пильмо луиз, нош бомбаос самолётысь
тани усьысалзы. Пумитазы султо,
мон – пытсэтын. Ваньзэ, малы мон оскисько
мертай, дорад ик мыныны сюлэм косэ,
мон тон понна ортчи луллэсь кузьдалазэ
но кунъёслэсь сюресъёссэс. Горд эгыртӥ,
кулэ ке, мон мыно, гомась тылъёс пыртӥ
нуо асме, озьы ке но, берен вуо;
кулэ ке, писпу сул кадь мон чидась луо,
ялан кышкыт шуг-секытъёс пӧлын улӥсь
кыр пиослэн пыӵал но тӧрлыкез курись
зӥбытлыксы монэ лапкатылэ но юзмыт ӧр выллем
2x2-лэн сайкытлыкез усе вылам.
(Хайдэнау лагерь, Жагубица вадьсысь гурезьёсын, 1944, гудырикошкон-куарусён)

Берыктӥз Елена Родионовa.