«Италмас»  ансамбльлы – 80 ар
Новости

«Италмас» ансамбльлы – 80 ар

247 {num}

Удмурт Элькунысь эктонъя но кырӟанъя «Италмас» кун академ ансамбль туэ юбилейзэ пусъе.

 Гужем коллектив Калык профессиональной творческой коллективъёслэн огазеяськоназы пыриз. Солэн радъясьёсыз пӧлын ансамбльлэн эшъёсыз – «Лезгинка» дагестан ансамбль, Кубанской казак хор но Пятницкий хор. Дано нимын пусъем бере ансамбльлэн кивалтӥсезлэн но артистъёслэн удмурт калык понна ужан мылкыдзы эшшо но бурдъяськиз. 
Коллективлэн вордӥськонэз но азинскон сюресэз герӟаськемын калык чеберлыкез утёнэн но сое вӧлмытонэн. Тямыстон ар ӵоже ансамбль люказ творческой шыкысаз яркыт эктонъёс, кырӟанъёс но сям-йылолъёс. 
Ансамбль узырмиз выль артистъёсын. Кылдӥз нимысьтыз инструментальной огинэт (состав), отчы пыризы дас кык крезьгурчиос, соос асьсэ понна концертъёс радъяны быгатозы. Шумпотымон, хорлэн но куараез выль сямен чузъяськоз. 
Калык эктонъёсъя нылпи школа-студия ужзэ азинтоз. Трос аръёс ӵоже соин кивалтӥз Леонора Мамонтова, нош али пичи артистъёсын ужа Пётр Овчинников. Та дыре эктыны дышетске 126 нылпи.
Выль сезонын ансамбль возьматоз куинь концерт Удмурт филармонилэн сцена вылаз но куинь концерт  Ижкарысь мукет культура юртъёсын.  
«Италмас» ансамбль  возьма учкисьсэ 80 ар кылдэмез дырысеныз юбилей ӝытаз! Ортчоз со 27-тӥ коньывуонэ «Аксион» культура юртын. 


Текст: Анна Загуменнова.