Дарина Якимова
Удмурт Image

Дарина Якимова

1296 {num}

Вордскемын Ува ёросысь Родники гуртын. Булай школаез йылпумъямез бере ИжГТУ-ын «Предприятиослэн экономиказы» специальностья дышетске. Азьланяз спортивной менеджер луыны малпа. Кемалась ик ӧвӧл «Эль ныл-2014» ӵошатсконын вормисе потӥз.

Дышетскон

Школаын волейболэн но теннисэн шудылӥ, соин аслэсьтым улонме спортэн герӟаме потӥз. Луэме потэ спортъя менеджер, со быгатэ нимаз спортсменэн но ужаны, озьы ик солэн агентэз но луыны, со сяна пӧртэм ӵошатсконъёсыз но радъяны. Али ИжГТУ-ын факультетэ понна волейболэн шудӥсько, кыкетӥ арзэ ини кыкетӥ инты басьтӥськомы.

Дарина Якимова

Хобби

Волейболэн но настольной теннисэн шудэм сяна, яратӥсько керттӥськыны, йырси пуныны, пӧртэм причёскаос лэсьтыны. Котькуд нунал мар ке но выльзэ тодэме потэ. Соин берло дыре книга лыдӟиськонэ кыстӥськи. Тужгес но англи кылысь берыктэм романъёсын тунсыкъяськисько («Джейн Эйр», «Гордость и предубежение» но мукет). Ноку но ӧй малпалля, лыдӟиськон сыӵе юн бордаз кыске шуыса…

Дарина Якимова

Малы лыктӥ «Mademoiselle Oudmourte» агенствое

Та проектэ пыриськи шуыса туж шумпотӥсько. Асме выль удысын утчаме потӥз. Удмурт модаен тодматскыны, удмурт культураез мукет палтӥз тодыны туж тунсыко потӥз. Ог ар куспын мон воштӥськи, быгатӥ возьдаськонме быдтыны. Даралилэн тыршеменыз, ми «будимы», мукет адямиос луимы. Тау солы. Азьвыл мон уг тодӥськы вал удмурт дизайнеръёсыз, табере мон соосын эшъяськисько! Зэмзэ ке, мон дунне шоры но мукет сямен учкыны кутски.

Дарина Якимова

Азьланез сярысь малпаськон

Алигес гуртысь уже таӵе вал: госпрограммаен тодматскыны, сое пыр-поч тодыны. Мыным «Этносоциальное развитие и гармонизация межэтнических отношений в 2013—2015 годах» нимо тема сюриз. Цифраосыз адӟыса, сюлэм шугъяське, удмурт калык туж чаляк быре (2002-тӥ арын удмурт кылын верасько вал — 71,88%, нош 2010-тӥ арын — 55,8%), удмурт кылзэс вунэто, егитъёс уг тодо ни удмурт кылэз. Нош мынам чакламея, берпуметӥ аръёс возьмато: тросэз удмурт кылын но лулчеберетэн тунсыкъяське, удмурт кылын вераськыны уг возьдаськы. Соиз шумпоттэ.

Дарина Якимова

Дарина Якимова

Образ— Дарали Лели, одежда — арт-пространство «Сахар». Благодарим «S Bar» за предоставление места для съёмок.